Upphafssíða
Almennt
Jarðfræði
Líf í sjó og fjöru
Líf á landi
Myndir og kort
Rit og heimildir
Áhugaverðir tenglar

 

Um Surtseyjarfélagið
Friðun Surtseyjar
Surtseyjareldar

 

ALMENNT

Um Surtseyjarfélagið

Þegar sýnt þótti, að Surtsey myndi verða varanleg eyja, komu áhugamenn um rannsóknir sér saman um að stofna nefnd og seinna félag, sem stuðlaði að skipulagi og eflingu rannsókna þar.

Í lögum félagsins stendur, að tilgangur þess skuli vera: Að efla rannsóknir í jarðvísindum og líffræði í sambandi við Surtsey og á Íslandi almennt. Félagið sjálft sér ekki um rannsóknarstörf.

Surtseyjarfélagið hefur gefið út skýrslur með niðurstöðum vísindastarfa, sem þar hafa farið fram. Það hefur tvívegis staðið fyrir byggingu rannsóknarhúss í eynni og einnig hefur félagið ráðist í að láta gera þyrlupall á Surtsey. Surtseyjarfélagið hefur fengið fjárframlög til rekstursins frá ýmsum aðilum og í mörg undanfarin ár verið styrkt af íslenska ríkinu.

Úrvinnsla á rannsóknargögnum hefur farið fram á ýmsum stofnunum, einkum Hafrannsóknastofnun, Náttúrufræðistofnun Íslands, Orkustofnun, Rannsóknastofnun landbúnaðarins og Raunvísindastofnun Háskólans, auk margra erlendra stofnana. Landmælingar Íslands tóku í upphafi allar loftmyndir af Surtsey, en hin síðari ár hafa Loftmyndir ehf. séð um þessar myndatökur.

Surtseyjarfélagið hefur haft aðsetur sitt hjá Náttúrufræðistofnun Íslands og er félagið stofnuninni þakklátt fyrir þá greiðasemi sem hún hefur sýnt félaginu.

Formaður stjórnar Surtseyjarfélagsins er Hallgrímur Jónasson, forstöðumaður Rannsóknamiðstöðvar Íslands. Aðrir í stjórn eru Borgþór Magnússon (varaformaður), Karl Gunnarsson (ritari), Vignir Thoroddsen (gjaldkeri), Hallgrímur D. Indriðason, Lovísa Ásbjörnsdóttir (umsjónarmaður vefsíðu), Magnús Tumi Guðmundsson, Bjarni Diðrik Sigurðsson, Vilhjálmur Smári Þorvaldsson og Starri Heiðmarsson.

- síðast uppfært 6. júní 2016

 

Surtseyjarfélagið - The Surtsey Research Society - P.O. Box 352 - 121 Reykjavik - Iceland - surtsey@ni.is